الرئيسية > آش واقع > جريمة عدنان خرجات دواعش الأحزاب اليسارية من جحورهم.. عضو ف”بي بي إيس” كيطالب بإعدام عصيد بالعلالي.. والحزب تبرى من كلامو وقال: كنعتذرو لعصيد على هاد الإساءة الخطيرة اللي مكتمثلناش.. وغنساءلو خونا ونعرضوه للعقوبة
15/09/2020 19:30 آش واقع

جريمة عدنان خرجات دواعش الأحزاب اليسارية من جحورهم.. عضو ف”بي بي إيس” كيطالب بإعدام عصيد بالعلالي.. والحزب تبرى من كلامو وقال: كنعتذرو لعصيد على هاد الإساءة الخطيرة اللي مكتمثلناش.. وغنساءلو خونا ونعرضوه للعقوبة

جريمة عدنان خرجات دواعش الأحزاب اليسارية من جحورهم.. عضو ف”بي بي إيس” كيطالب بإعدام عصيد بالعلالي.. والحزب تبرى من كلامو وقال: كنعتذرو لعصيد على هاد الإساءة الخطيرة اللي مكتمثلناش.. وغنساءلو خونا ونعرضوه للعقوبة

عفراء علوي محمدي- كود//

عشنا وشفنا حتى ولاو التقدميين يفكرو بطرق أكثر دعششة من الدواعش، بحال واحد العضو فالمكتب الوطني لحزب التقدم والاشتراكية اللي طالب، عاين باين، فسطاتي ليه على موقع التواصل الاجتماعي “فيسبوك”، بإعدام المفكر أحمد عصيد، فقط حيت ما عجبوش رفضو لعقوبة الإعدام فحق قاتل الطفل عدنان.

بوطربوش قال بالحرف أن “عصيد وأمثاله من الشواد عملاء للغرب، حقود، وعدو صريح لكل ما هو عربي أو مسلم، مثل هاته الميكروبات الفكرية وجب إعدامهم على الفور”.

والحزب ماسكتش لهذشي، وخرج المكتب السياسي ديالو ببلاغ للراي العام كرد على هذ التدوينة المتطرفة، وعبر على استنكارو ليها وتبرأ منها وقال بأنها “كتضم إساءة خطيرة في حق صديق الحزب أحمد عصيد”، وأنها “لا تمت بأي صلة إلى أفكار الحزب وتوجهاته وأخلاقياته، كما أنها بعيدة كل البعد، أخلاقيا وسياسيا عما يناضل من أجله الحزب”.

و”بي بي إس” اعتذر لعصيد، وقال أن هذ السلوك “معزول” وغيعرض مولاه للمساءلة داخليا، وغتتاخد فحق مول التدوينة الإجراءات التأديبية اللازمة.

وبدورها استنكرات وزيرة الماء السابقة، شرفات أفيلال، هذ الهضرة اللي قال زميلها فالحزب، وطنزات عليه فتعليق على التدوينة وقالت: “برافو كريم، فأنت تربيت في أسرة تقدمية تؤمن بقيم التسامح والتعايش والإنسانية”.

وحتى ناض الصداع فالحزب وهو يمسح بوطربوش التدوينة ديالو.

موضوعات أخرى

21/09/2020 08:30

فين اجهزة الدولة؟ مينتو حيدار خرجات ليها نيشان.. دارت هيئة جديدة سياسية هاد المرة ماشي حقوقية وتابعة للبوليساريو فالعيون. تحدات حالة الطوارئ ودارت اجتماع ما فيهش تباعد وطلعات اسم عدواني “الهيئة الصحراوية لمناهضة الاحتلال المغربي”