سعيد بوناصر – كود //

فجرات واحد السيدة من مدينة طنجة قضية إغتصاب بناتها الثلاثة على يد خالهم، اللي هو خوها، حيث كان لمدة عام كامل وهو كيجي للدار وكل مرة كيستاغل شي وحدة من بناتها وكيتعدى عليها جنسيا بلا ما تعيق بيه الوالدة ديالهم.

وحكات الأم الطريقة اللي خطط بها خوها باش يغتاصب بناتها بالثلاثة وحدة مورا الأخرى، بحيث داز من اللولة للبنت الثانية اللي ماكملاتش 16 عام، واغتاصبها بنفس الطريقة اللي طيح بها ختها الكبيرة، قبل ما يتعدى على الصغيرة فيهم حتى هيا.

الأم أكدات فحديثها لوسائل إعلام محلية بللي وحدة من بناتها، اللي فعمرها 14عام حاولات تنتاحر، بسباب “الخوف من ردة فعل الوالد ديالها فاش يسيق الخبار”، حسب قولها.

وكتطالب الأم والفعاليات المدنية بمدينة طنجة اليوم، بتطبيق أقصى العقوبات على هاد الخال المغتصب، اللي اعتابروه أكثر من وحش أدمي، و اللي استاغل قرابتو العائلية ووضعو الاعتباري عند البنات باش يتقرب ليهم ويتعدى عليهم.