مصطفى المزابي -كود برشيد //

جريمة قتل خيبة وقعات البارح فالعشية بالجماعة الترابية للحساسية نواحي برشيد، مللي امراة  قتلات الحفيدة ديالها للي فعمرها شي 3 شهور ورماتها ف قعر البير، وطعنات أم الرضيعة للي هي امراة ولدها بجنوية مللي بغات تمنعها.

تفاصيل هاد الجريمة للي روعات ساكنة القبيلة كترجع مللي نشب خصام  بين العكوزة وزوجة الابن حول مسائل كتخص الشعوذة وطور الأمر لترفع الجدة سكين من الحجم الكبير وتهاجم الطفلة للي هي بنت ولدها، لكن أم الطفلة منعاتها توصل ليها وهي تشير عليها حماتها بالجنوية وتصابت بجروح خطيرة على مستوى الفك ديالها، لتتجه الجدة من بعد ذلك، صوب حفيدتها وتوجه ليها طعنات للصدر، أردتها قتيلة، وهزاتها ورماتها في بير قريب من منزل العائلة.

وأكد مصدر “كود” أنه فور علمها بالخبر جات عناصر المركز الترابي ديال درك برشيد إلى مكان النازلة، حيت تم نقل الزوجة للسبيطار الجامعي ابن رشيد بكازا، لتلقي العلاجات الضرورية فيما تم انتشال الطفلة البريئة من قعر البئر جثة هامدة، وتم وتوقيف العجوز واقتيادها صوب مقر الدرك، حيث تم وضعها تحت تدبير الحراسة النظرية بتعليمات من الوكيل العام بمحكمة الاستئناف بسطات، وذلك من أجل مواصلة البحث معها لمعرفة ظروف وملابسات النازلة، فيما تم نقل جثة الطفلة إلى مستودع الأموات بمستشفى الحسن الثاني بسطات من أجل اجراء تشريح طبي لفائدة آلبحث القضائي.