كود بني ملال//

وقعات الصباح واحد الجريمة بشعة بزاف فواحد الحي بمدينة خنيفرة .

ووفق المعطيات الأولية عند “كود” باللي خلاف تافه وقع بين جوج صحاب، واحد فيهم هز حجرة، وضرب الضحية اللي طاح، وداوه لسبيطار مات.

دابا نقلوه لمستودع الاموات ببني ملال لاخضاع الجثة ديالو للتشريح الطبي بتعليمات من الوكيل العام للملك باستئنافية بني ملال.

هذا، ويؤكد مصدر “كود”، ان رجال الأمن الوطني شدو بالزربة المتهم، ووضعوه تحت تدابير الحراسة النظرية رهن البحث اللي تاتشرف عنه النيابة العامة المختصة، وذلك لتعميق البحث والتحريات لمعرفة الاسباب الكامنة وراء ارتكاب هذه الجريمة أم ان هناك معطيات اخرى في القضية تقدر تبرئ هذا المتهم!.