وكالات//

لقاو راجل ف الخمسينات من عمره ميت، وتقطعات ليه ودنيه وتسرقو ف جريمة خايبة وغامضة، والبوليس ف تركيا بداو كيحققو باش يعرفو شنو وقع.

وحسب ما قالت شي وسائل إعلام محلية، را واحد الراجل ف منطقة قروية ف ولاية “دنيزلي” اللي كاينة ف جنوب غرب تركيا، عيط للبوليس وقال ليهم باللي لقى جارُو ميت ف جنان دارو.

والمفاجأة كانت منين وصلو البوليس وشافو الراجل اللي سميتو خالد تيري وعندو 56 عام، لقاو ودنيه مقطوعين ووجهو مضروب، أما باقي الجسد ديالو ما كانش فيه شي طعنة.

وجاو ناس ديال الإسعاف وخداو الجثة ديالو للطب الشرعي، والبوليس مازال كيكملو التحقيق باش يعرفو شنو وقع بالضبط.