وكالات//

هزات واحد الواقعة مؤلمة بزاف الرأي العام التونسي، فين كب واحد الشاب في العشرينات من العمر ديالو ليصانص على الام ديالو  بشكل مفاجئ وبلا مقدمات ومن بعد شعل عليها العافية..

على حسب ما جا في تقارير صحفية محلية، الحادثة وقعات في مدينة قليبية وهاد الشي كان وقت ما كانت الأم كتوجد العشا فالكوزينة، وهاد الشي زاد خلى الناس يتسائلوا حول الأسباب ديال هاد الفعل.

مازال ما تبينش السبب الحقيقي لي خلا الشاب يدير هاد الشي، واش كان عندو مشاكل نفسية ولا لا، ولا إذا كان فاش دار الجريمة فحالتو العقلية عادي.

وحسب الشهادات ديال الناس لي شافو الحادثة، تدخلوا البومبية باش يديو الضحية للسبيطار المحلي بعدما طفاو العافية  لي كانت شاعلة فيها، ومن بعد تم شدو الولد ودابا البوليس كيحققو معاه.