الرئيسية > كود-تيفي > جريمة جديدة بالقرطاس فميريكان.. راجل قتل مرا كانت غادية فالشارع طرونكيل ودافعة ولدها فالپوسيت – فيديوهات
30/06/2022 23:00 كود-تيفي

جريمة جديدة بالقرطاس فميريكان.. راجل قتل مرا كانت غادية فالشارع طرونكيل ودافعة ولدها فالپوسيت – فيديوهات

جريمة جديدة بالقرطاس فميريكان.. راجل قتل مرا كانت غادية فالشارع طرونكيل ودافعة ولدها فالپوسيت – فيديوهات

وكالات //

عرفات ميريكان نهار الأربعاء جريمة مأساوية جديدة مشات ضحيتها مرا عندها 20 عام مللي كانت خارجة كتضرب دويرة طرونكيل ودافعة البيبي ديالها قدامها فالپوسيت.

المجرم اللي كان مغطي كامل، لابس جاكيط بالقب كحلة وسروال كحل، جا وقف قدام البنت وجبد الفردي وتيرا فيها وسط جبهتها ومن بعدها علق.

الضحية هزوها لصبيطار “Metropolitan Hospital Center”، ولكن كان فات الفوت وعلنو من بعدها الوفاة ديالها.

الجريمة، حسب البوليس ، وقعات قريب من لانترسيكسيون ديال شارع “Lexington” و”95th Street” فمدينة نيويورك.

إدارة شرطة نيويورك قالت أن البيبي (عندو 3 شهور فقط) ماوقع ليه والو، وطلبو من الناس باش يعاونوهم يعرفو شكون اللي دار الجريمة فالوقت اللي لونكيط متواصلة باش يعرفو كل التفاصيل ومنها دوافع هاد الجريمة.

موضوعات أخرى

07/08/2022 19:30

البي جي دي مع الجزائر ضد المغرب.. بجوجهم هزو مدافعهم ضد الملك محمد السادس بصفتو رئيس لجنة القدس على أحداث غزة: كيفاش الاخوان المسلمين فالمغرب ولاو كيضربو ففموقف الدبلوماسية