كود – كازا ///

قال موقع “لابانديرا” الإسباني، أن مصالح الحرس المدني شدو، البارح الجمعة، بإقليم قادس، شريكين للمغربي كريم البقالي، المتهم الرئيسي فـ جريمة قتل 2 ديال ضباط ديال الحرس المدني بميناء باربات يوم 9 فبراير الفايت.

وحسب المصدر ذاته، المعتقلين بجوج كانو مع المتهم كريم فـ زوديالك اللي  الزودياك اللي قتلات. وما زال البحث خدام على هوية المتهم الرابع اللي باقي هارب.

و فـ شتنبر الفايت، سلم كريم البقالي راسو بحضور المحامي ديالو إلى العدالة الإسبانية. واعترف بأنه هو الشخص اللي كان سايگ الزودياك، مشددا على أنه كان باغي يدير مناورة باش يتجنب يصطادم بالقارب ديال الضحايا.

وحسب جريدة “هيرالدو” الاسبانية، صرح المتهم أن استسلم طواعية للحرس المدني بحضور محام على شاطىء  شاطئ هيربابوينا حدا ميناء بارباتي حيث وقعت الحادثة. وصرح كريم البقالي خلال الاستماع ليه، أنه بعد الحادثة هرب للمغرب وبقا مخبي عدة أشهر، قبل ما يعاود يرجع للصبليون حارگ.