وكالات//

علن الوكيل العام ديال منطقة بوبيني، اللي كاينة فالشمال ديال العاصمة الفرانساوية باريس،  على توقيف جوج ديال البوليسيين الفرنساوين حيت متّهمين باغتصاب مرا فاش كانت محتاجزة.

المدعي العام إريك ماتايس قال بلّي المرا، اللي عمرها 26 عام، اتهمات الشرطيّين وقالت بلّي الاغتصاب المزعوم وقع فللليل ما بين التلات والاربع فبوبيني.

الشرطيّين اللي متّهمين، أعمارهم 23 و35 عام، ومازالين جداد فالمهنة.

القضية باقـا كيحقق فيها البوليس الداخلي ديال فرنسا، ومكاينش تفاصيل كثيرة حيت التحقيق باقي جاري.

وفـ نفس السياق، فرنسا فعلاً عرفات فـ الشهور اللي دازو عدة قضايا اغتصاب اللي دارو نقاش كبير فالمجتمع على موضوع الرضا فالعلاقات الجنسية.

وزيد على هاد الشي، البرلمان الفرنسي صادق نهار الأربعاء على قانون جديد كيعرف الاغتصاب على أنه أي علاقة جنسية كتوقع بلا موافقة الطرفين.