الرئيسية > آش واقع > جريدة اسبانية مقربة من المخابرات: دواعش حركَو من المغرب لجزر الكناري وبلاصتهم مازال مامعروفاش لحد الآن
13/01/2021 10:30 آش واقع

جريدة اسبانية مقربة من المخابرات: دواعش حركَو من المغرب لجزر الكناري وبلاصتهم مازال مامعروفاش لحد الآن

جريدة اسبانية مقربة من المخابرات: دواعش حركَو من المغرب لجزر الكناري وبلاصتهم مازال مامعروفاش لحد الآن

كريم الشركي – كود //

صحيفة لاراثون الصبليونية، المعروفة بقربها من المخابرات الاسبانية، دارت واحد المقال كيحاول يضرب فالمغرب، وبانه رجع مصدر للارهاب لجزر الكناري، وهادشي كولو، باش تنوض اسبانيا تحارب الهجرة السرية، بدعوى انها تصدر الارهاب لأوروبا.

الصحيفة الاسبانية، قالت أن واحد الدراسة أمنية ديال المخابرات بينات، أن بزاف ديال الدواعش حركَو من المغرب لاسبانيا، وخرجو فقوارب باتجاه جزر الكناري، وأن هاد الدواعش دابا مامعروفش مكان تواجدهم ويصعب تعقبهم بسبب العدد الكبير من الحراكَة لي وصلو لكناريا، واللي وصل عددهم ل23000 الف حراكَ اغلبهم مغاربة.

الصحيفة بغات تعطي انطباع بان الهجرة السرية وحش غاياكل الاسبان، وأنه كيصدر الارهاب دابا بعدما كان كيصدر ليهم المجرمين حسب ما كان الاعلام الاسباني يحاول به تصوير الحراكَة.

هاد الحرب الاعلامية لي كيديرها الاعلام الاسباني، هدفها جعل الهجرة السرية مصدر للمجرمين والارهابيبن، وتجييش الرأي العام الاسباني والاوروبي، باش ترجع محاربة الهجرة السرية مساوية لمحاربة الارهاب.

موضوعات أخرى

18/01/2021 22:53

وتعطلنا واستثنينا بريطانيا. ممنوع طيارات ومسافرين يدخلو جايين من استراليا والبرازيل وايرلندا ونيوزللندا يدخلو للمغرب

18/01/2021 22:30

الخبرة الجنية لإثبات نسب البنيتة نور من المحامي الطاهري.. المحامية الكَلاف لـ”كود”: المحكمة اقتنعات بالإثباتات اللي قدمنا ليها.. وللطفلة كل الحق فالحصول على النسب

18/01/2021 21:30

هاد وزير الصحة حادگ غا فلخبار لملاوطة اللي كتخلعنا. لمغاربة كيتسناو الڤاكسان وهو جاي يقول لينا: لقينا حالة من السلالة المتحولة لكورونا فطنجة