كود – كازا ///

قالت جريدة “إل فارو دي ثيوثا”، أن السلطات الإسبانية غادي تسلم القضاء المغربي بزناس كبير متورط فـتهريب أطنان ديال الحشيش فـ الفلايك عبر ضفتي المضيق.

وحسب المصادر ذاتها، هاذ بارون المخدرات عندو ارتباط كبير بـ ريزو إجرامي داخل المغرب كينشط ف التهريب الدولي للمخدرات.

وتجبدات سمية هاذ المتهم ف تحقيقات شرف عليها وكيل الملك ف تطوان حول تهريب المخدرات عبر الفلايك واللي تم خلالها حجز كميات مهمة من الحشيش مخبية ف عدد من المستودعات بمنطقة الفنيدق، كما تم الاستماع لصحاب مراكب الصيد التقليدي.