كود ـ كازا//

قررت جماعة الدارالبيضاء بمناسبة عيد الفطر، تنظيم الحدائق والفضاءات الخضرا باش يكون استقبال المواطنين والزوار في أجمل حلة، خصوصاً مع الإقبال الكبير لي كتعرفو جرادي في مثل هاد الأيام.

ومن بين التدابير لي دارتهم الجماعة هو أن الحدائق غادي تبقى محلولة من 7 الصباح حتى 8 الليل طول أيام العطلة وغادي يكون فيها تعزيز للأمن، وتنظيف مستمر، وصيانة دورية باش تكون نظيفة ومريحة للكازاويين لي كيجيو مع الأسر والوليدات ديالهم .

وبالنسبة للمرافق الصحية غادي تكون متاحة ونظيفة، مع تعيين فرق كتوعي الزوار باش يحافظو على نظافة وجمالية هاد الفضاءات.

الجماعة ناشدت الناس كذلك باش يساهمو ويحافظو على نظافة الحدائق ويحترمو التجهيزات، وبهذا الكل يقدر يقضي وقت ممتع خلال العيد مع الأحباب والأهل ديالو.