كود -وكالات//

من خمس سنين، بدات عمليات التجميل ديال المنطقة الحميمة كتنتاشر بزاف ففرنسا حتى ولات بالنسبة للبعض حاجة عادية.

بزاف ديال الرجال كيبغيو يبان العضو الذكري كبر تحت المايو، أما عدد من العيالات كيلجؤو لعملية تصغير الشفار (Nymphoplastie)، باش يكون شكل الفرج صغر وموافق مع الصورة اللي كيشوفوها فالمواقع +18أو مواقع التواصل.

صحفية  Le Parisien حضرات لوحدة من هاد العمليات فكلينيك بمنطقة باريس، واحد سيدة عندها 30 عام، ما كانتش مريضة وما كان حتى تشوه خلقي، ولكن كانت حاسة بعقدة من شكل المنطقة الحميمة ديالها.

الطبيب رسم الجزء اللي غادي يتحيد، ومن بعد استعمل المشرط باش يقطع حوالي 4 سنتيمترات من الشفرين الصغيرين، فعملية دامت غير بضع دقائق.

الصحيفة كتقول بلي هاد النوع من العمليات ما خاصوش يتعتبر عملية بسيطة أو تجميل عادي، حيث كيبقى تدخل جراحي عندو مخاطر ومضاعفات محتملة، حتى إلا كان الهدف منو غير تغيير الشكل الخارجي بسبب الضغوط الاجتماعية أو المعايير الجمالية المنتشرة.