كود كازا//
“كود” جابت الجديد ففضيحة نشر خارطة المغرب بلا صحراؤو فندوة فكلية سطات واللي كانت وراها جامعية اردنية. حسب مصادر ل”كود” فان وزير التعليم العالي والبحث العلمي والابتكار استدعى اليوم الجمعة 7 فبراير 2025 دخل على القضية واستدعى رئيس الجامعة. مصدر “كود” قال باللي اللقاء دام 10 دقايق وباللي الوزير كعى وطلب من رئيس الجامعة تقرير مفصل على هاد الشي.
مصدر قال ل”كود” باللي استاذ القانون العام عضو اللجنة المنظمة وعندو شي شراكة مع جامعة أردنية هو اللي عرض عليها وجابها تدير مداخلة وصدقات مقودة السوايع. لكن تحريات “كود” وصلات باللي القضية ما فيهاش حتى شي استاذ ما داخل فهاد الفيلم. مصدر “كود” اكد ان هاديك الاستاذة الجامعية اللي اسمها وجدان تيجاني صديق وهي اردنية من اصل سوداني جات مع اساتذة اخرين باعتبارها كتقري فجامعة نايف.
دابا راه رئيس الجامعة هو اللي عرض عليها.
اذن رئيس الجامعة اللي خرج كيبرر خطأ غير مقصود خاصو يخلص. دول كثيرة منها امريكا واسبانيا وفرنسا والمانيا واسرائيل والسعودية اللي فيها جامعة نايف مع مغربية الصحرا٬ ما يمكنش لخطأ بحال هادا يوقع
