الرئيسية > آش واقع > جديد عصابة الابتزاز باسم الصحافة.. شكون عينو فالقضاة واش شكاية لملايري حديث النعمة طرومباطي كانت فخ انتخابي
01/12/2020 14:30 آش واقع

جديد عصابة الابتزاز باسم الصحافة.. شكون عينو فالقضاة واش شكاية لملايري حديث النعمة طرومباطي كانت فخ انتخابي

جديد عصابة الابتزاز باسم الصحافة.. شكون عينو فالقضاة واش شكاية لملايري حديث النعمة طرومباطي كانت فخ انتخابي

كود كازا ///

عييت نقرا في محاضر الشرطة القضائية أي الفرقة الوطنية، باش نعرف العلاقات المتشعبة والابتزاز ومختلف الجرائم التي نسبتها النيابة العامة للمتهمين، وحرت ودخت واخا أنا ماشي محامي وما شي ناقذ في القانون، انا يالله عندي الإجازة في القانون، يعني عندي غير النجاح ديالي في الكتابي والشفوي.

على ذكر الشفوي، لقيت أن جزء كبير من التصريحات غير شفوي، يعني بالعربية تاعرابت قر، وقر كلمة يقولها المغاربة للمتكلمين بدون فائدة ولا دليل ولا حجة.

القضية بسيطة فيها واحد ملايري، عندو ملفات في المحكمة وعندو شكايات في النيابة العامة، واسميتو ما عرفوهاش الناس بالاستثمارات ديالو بالعكس عرفوها غير من خلال الضحايا كل مرة كايبان واحد في فيديو هادي مدة أي قبل خمس سنوات، طلعات سميتو، وطلعات معاها بعض العلاقات ديالو هوا مع المسؤولين.

هاد السيد غادي يدير شكاية يقول بلي رباعة ديال الصحافيين، ثلاثة ومعاهم كوميسير، داو ليه أكثر من خمسين مليون، سطرو مزيان على داو ليه، والحقيقة أنه عطاها ليهم باش ميستمروش في فضحه، أي هوا اللي غراهم، ونجح في الإغراء، حتى ولاو تيعتاقدو أنه كولو فلوس، وهوا حساسبي، إلى سلمتي عليه عاود حسب صباعك.

المهم جابهم فالشبكة بهاد الطريقة وتنهنى منهم بدقة واحدة….مكاين باس حتى هما أش داهم يبدلو القلم بالدرهم، حيت هاد المبادلة معروفة النهاية ديالها، اللي كيهمنا هنا، هو أن هاد السيد أي طرمباطي، علاش جبد القضاة والمسؤولين ديالهم، واشنو علاقتهم بالقضية.

إلى رجعنا للمحاضر مكاين دليل، ماين غير الكلام، والعارفين بخيابا الأمور تيعرفوا بلي اللي بغا يسخن الطرح، يبني قصص كبيرة ويتاهم ناس كبار.

المهم التصريحات ديال طرومباطي، تواجه بيها حاتم حجي وجمع وطوى، حيت حاتم عندو القاعدة ديال الناكر مايباتش في الحبس، ولكن ملي مشداتش ليهم، جابو الضحايا ديالو ديال عين الذياب والمقالات التشهيرية اللي كتبها فالموقع ديالو.

باين باقي صغير، ومن الخيمة خرج مايل، الدري مزال مشربش الحرفة وولى مدير نشر، وبغا يوصل دغيا، واللي محترامش علامات التشوير راه طبيعي يدير كسيدة خايبة.

دابا القضية ابتزاز باش ميكتبوش على الملايري، وعلاش تحولات إلى حرب انتخابات ديال القضاة ووووو، وشكون كان السباب باش تمشي فهاد الوجهة، واش كاين شي أدلة تتورط الناس اللي ذكروهم واللا المهم هو نجبدو سمياتهم، ومن بعد نعرفوا كيفاش نتعاملو معاهم.

بزاف ديال السطورا خاويين وممعروفينش وماواضحنش، وخاص بلاغ للرأي العام يوضح لينا علاش تجبدو القضاة، في هاد الوقت بالذات، وكيفاش ساهمات هاد الأبحاث في مضاعفة الحقد والكراهية اللي ماينة عند البعض تجاه القضاة…

موضوعات أخرى

26/01/2021 20:00

الموضة الجديدة.. الحفير ديال البيار ما مابقاش غير “خير وصدقة”.. رجع رحلة سياحية للمؤثرين ديال مواقع التواصل – تصويرة

26/01/2021 19:30

و الأمم المتحدة وماقالتهاش.. مفوض الأمن والسلم ديال الاتحاد الافريقي الجزائري اسماعيل شرقي خرج من الرونضة ديالو و قالك كنطالبو ب”تقرير المصير”

26/01/2021 18:30

بسبب ويحمان والتطبيع مع اسرائيل.. نايضا بين قادة البي جي دي وحامي الدين انسحب من گروب البرلمانيين واعضاء الامانة العامة بعدما وبخوه على مقال كيقول فيه: العثماني مراضيش باتفاق التطبيع