كود كازا//
اكد المحامي اشرف جدوي عن هيئة دفاع سعيد الناصيري الرئيس الأسبق للوداد الرياضي والقيادي السابق بحزب الأصالة والمعاصرة، ان الموكل ديالو وقف بكل ثقة قدام المحكمة وذلك لاول مرة ملي بدا الاستماع للمتابعين في ملف ما يعرف بـ “سكوبار الصحرا”، وانه قال للقاضي بلي عندو ما يفيد بالبراءة ديالو من المنسوب له.
وفي تصريح لجورنال “گود”، قال اشرف جدوي محامي سعيد الناصيري: “تمت المناداة على سعيد الناصيري وتم إشعاره بالتهم المسطرة في حقه، وبان الناصيري واثق في نفسه وهذا الوثوق فالنفس ديالو ما رده إلى إيمانه العميق اللي ما فيه شك بالبراءة ديالو من الأفعال والتهم المنسوبة اليه، بان بمعنويات مرتفعة”.
وكمل محامي سعيد الناصيري، ووضح: “سعيد قال كلمة أولى وهي كلمة جميلة، قاليك أنا مستعد نجاوب المحكمة على جميع الاسئلة ديالها، حتى نخرج من الخيال إلى الواقع، اعتقادا وإيمانا منه بأن هذا الملف او هذه التهم تبقى خيالية وربما كاينة غير فالمخيلة ديال المالي”.
