الرئيسية > آش واقع > جددات مطالبها بإلغاء الفصل 489.. دراسة جمعية الاقليات الجنسية: 70 فالمية من المثليين والمتحولين تعرضو للعنف فالفضاءات العامة والخاصة.. و86 فالمية منهم كيخافو يديكلاريو خوفا من الاعتقال
18/05/2020 22:30 آش واقع

جددات مطالبها بإلغاء الفصل 489.. دراسة جمعية الاقليات الجنسية: 70 فالمية من المثليين والمتحولين تعرضو للعنف فالفضاءات العامة والخاصة.. و86 فالمية منهم كيخافو يديكلاريو خوفا من الاعتقال

جددات مطالبها بإلغاء الفصل 489.. دراسة جمعية الاقليات الجنسية: 70 فالمية من المثليين والمتحولين تعرضو للعنف فالفضاءات العامة والخاصة.. و86 فالمية منهم كيخافو يديكلاريو خوفا من الاعتقال

عفراء علوي محمدي- كود//

كشفات دراسة ميدانية لجمعية أقليات لمناهضة التمييز والتجريم ضد الأقليات الجنسية، دارتو بمناسبة اليوم العالمي للمثلية الجنسية، على أرقام صادمة بشأن استفادة المثليين والعابرين جنسيا من خدمات العدالة، بالإضافة للعنف اللي كيتعرضو ليه، وطالبات من خلالها بإلغاء الفصل 489 اللي كيجرم المثلية.

وكشفات الدراسة، اللي تدارت ف6 شهور واستوجبات 400 فرد من مجتمع “ميم عين”، فمدن الرباط وطنجة ومراكش وأكادير، بللي 70 فالمية من المستجوبين تعرضو للعنف الجسدي والمعنوي فالفضاءات الخاصة والعمومية، من بينهم 80,5 فالمية من المتحولات جنسيا، و60 فالمية من المثليات المستجوبات.

وعلى الرغم من تعرضهم لهذ النوع من الاعتداءات، غير 14 فالمية من المعنفين اللي كيحطو شكاية فالموضوع، والسبب اللي كيمنع لوخرين هو الخوف من الاعتقال بسبب الفصل 489 اللي كيجرم المثلية الجنسية.
من جهة اخرى، 29 فالمية من المستجوبين تعرضو للاعتقال أو التوقيف، واكثر من النصف فيهم كان سبابو هذ الفصل، بينما الثلث بسبب التعبير الجندري (غير الذكوري) والدفاع عن النفس فحالة الاعتداء، وتحقيق الهوية والتحقيق بناء على الخروج من بيت العائلة، اما الفئة اللي ماتمش توقيفها او متابعتها فكانت تجنبات هذشي لدرياتها بالقانون.

المثليين والعابرين المعتقلين تعرضو كذلك للعنف خلال الاعتقال، 63 فالمية منهم تعرضو للتعذيب والابتزاز، منهم حتى ل77 فالمئة مثليات ومتحولات، والنص من المعنفين كان عنف نفسي ومعنوي، الثلث عنف جسدي، بينما 34 من المعنفين كيقولو أنهم تعرضو للتحرش.

موضوعات أخرى

27/05/2020 12:39

لاح مشاش فبلاصة بعيدة بشكل “همجي” وعاد زايدها بالسبان وتخسار الهضرة.. جمعية للرفق بالحيوان فتطوان كتستنكر تصرف رضوان بن عبد السلام مع الحيوانات – فيديو