وكالات//

تحولات جدّة بريطانية عندها 81 عام لِصانعة محتوى ديال الألعاب فـ يوتيوب، باش تعاون حفيدها جاك سيلف اللي عندو 17 عام، فالمعركة ديالو مع السرطان.

سو جاكوت دارت قناة سميتها Gramma Crackers من بعد ما تعرّفات على لعبة ماينكرافت بفضل أحفادها، وكان الهدف هو تجمع التبرعات باش تغطي المصاريف الطبية ديال جاك، اللي تشخّص بالسرطان فـ عام 2024.

وقالت سو جاكوت: “فالأول ما كنتش مهتمة بزاف بهاد الشي، ولكن ملي كيكون عندك أحفاد باغيين يتفاعلو معاك، كتدير أي حاجة على ودّهم”.

أول فيديو دارتو وصل لأكثر من 500 ألف مشاهدة، وعدد المشتركين فالقناة دابا فاق 100 ألف، والتبرعات كانت ما بين دولار واحد حتى لـ5 آلاف دولار. وزيد عليها، حملة فـGoFundMe  جمعت تقريباً 35 ألف دولار.

أوستن سيلف، حفيدها الآخر، عبّر على الدهشة ديالو من حجم الدعم وقال: “كان بحال شي حلم، كاملين تفاجأنا من كرم الناس والدعم ديالهم”.