كود سبور//

بارك الدولي المغربي يحيى جبران للجماهير المغربية الرباح ديال المنتخب المغربي على منتخب تنزانيا فدار السلام، ضمن إقصائيات كأس العالم 2026، وأكد أن الماتش ما كانش ساهل والرباح غيعطيهم الثقة كلاعبين فالماتشات الجايين.

وتحدث يحيى جبران بعدما ربح المنتخب المغربي منتخب تنزانيا بنتيجة 2 لزيرو، وقال فتصريح للموقع الرسمي الملكية المغربية لكرة القدم: “فوز مهم لنا معنويا ومهم بالنسبة لترتيب المجموعة، ومبروك علينا وعلى كاع المغاربة هاد النتيجة وهادي غير البداية”.

وكمل يحيى جبران كلامو، وأكد أن المباراة كانت صعيبة، وقال: “خدينا 3 د لبوان فهاد الظروف وفهاد الملعب ومع خصم اللي ماشي ساهل وغتعطينا ثقة اكثر فالماتشات الجايين”.