كود سبور//

عبر يحيى جبران لاعب الوداد الرياضي على التأسف لمكونات الفريق بعد الإقصاء من دور مجموعات دوري أبطال افريقيا، فواحدة من مفاجأت هذه النسخة، بعدما كان الواك مرشح للتتويج باللقب.

وبعد رباح الوداد الرياضي على أسيك ميموزا الايفواري اليوم السبت فمراكش ضمن آخر جولة من دور المجموعات، وهو الرباح اللي ما كانش كافي الفريق للتأهل إلى ربع النهائي، قال جبران فتصريح له: “واخا ربحنا اليوم ضد لاسيك ولكن ما قدرناش نتأهلو وكنتأسفو حيث حنا اللي حطينا ريوسنا فهاد الوضعية اللي ما كانش فصالحنا وكنطلبو المسامحة من جماهيرنا”.

وكمل جبران كابيتان الوداد: “والفرق لكبار بحجم الوداد ضروري غيطيحو فبحال هاد الستيياسيون ولكن خاصنا نخرجو منها بسرعة، ونتمناو هذا الشي يكون درس لنا ولجميع مكونات النادي باش يتكاتفو من جديد ويرجع الفريق للأمجاد ديالو”.