گود سبور//

خرج اللاعب السابق للوداد الرياضي، على السكات ديالو بعدما قال هشام ايت منة رئيس النادي بأنه لم يلتزم بالوعد ديالو مع النادي باش يرجع للفريق الأحمر.

ونشر يحيى جبران سطوري على انستغرام ديالو كتب فيه: “لكذوب كايطلعو فلاسانسور، والحقيقة واخا كاطلع فالدروج راه ديما كاتوصل”.

هذا الشي كايبين أن اللاعب عندو أسباب مقنعة اللي خالاتو ما سناش مع الوداد الرياضي بعدما كان متحمس يرجع للفريق، وأن القضية فيها السماسرة اللي كايعتمد عليهم آيت منة، واللي ماشي فمصلحة اللاعب يتعامل معهم وغايخرجو على الوداد والرئيس هو المسؤول، والسؤال هنا شنو المصلحة ديال لبريزيدون باش يبقى يتعامل مع وكلاء مشبوهين ولاو باغيين يتحكمو فالوداد وشكون اللاعبين اللي تجيب.