اسماء غربي – كود//

كرم الرئيس الفرنسي ايمانويل ماكرون ، عسكري مغربي متقاعد فحفل إحياء الذكرى الثمانين لتحرير كورسيكا، اللي كان نهار الخميس فباستيا، بحضور عبد اللطيف لوديي، الوزير المنتدب لدى رئيس الحكومة المكلف بإدارة الدفاع الوطني.

و بالمناسبة قام الرئيس الفرنسي ماكرون ، بتوشيح العسكري المغربي المتقاعد صالح بن الحاج بوسام الاستحقاق الوطني من درجة فارس ، تقديرا لالتزامو وخدماتهو المتميزة اللي قدمها لفرنسا فالحرب العالمية الثانية.

و ذكرت السفارة الفرنسية بالمغرب ، أن صالح بن الحاج التحق بالجيش الفرنسي ف 1939 فاش كانت فعمرو عشرين عام، وتم تعيينو ألول مرة ففوج المدفعية المغربي الأول من بعد انضم لفوج المدفعية الإفريقي الرابع والستين.

واش هاد التكريم وحضور الوديي، ميساج مشفر ونوع من التقارب بين المغرب وفرنسا؟ خاصة وان العلاقة بين البلدين غادة وكتكفس! حتى بدات شوية كتقاد وجا هادشي ديال المساعدات بعد زلزال الحوز وعاوتاني القضية حماضت..

Le Maroc a été à l'honneur de la cérémonie de commémoration des 80 ans de la libération de la Corse, qui s'est tenue ce jeudi à Bastia, en présence de M. Abdeltif Loudiyi, Ministre délégué auprès du Chef du gouvernement chargé de l’administration de la Défense nationale. pic.twitter.com/olOuNbAQKc

— La France au Maroc 🇫🇷🇪🇺 (@AmbaFranceMaroc) September 28, 2023