وكالات//
عاوتاني، عبرو المعجبين ديال النجم العالمي جاستن بيبر، على القلق ديالهم من بعد ما نشر سلسلة ديال الفيديوهات غريبة فحساباتو على مواقع التواصل، اللي هضر فيهم على مشاعر ديال الخوف والألم، وزاد قال هضرا ما مفهوماش خلّات الناس يتساءلو على الحالة النفسية ديالو.
فواحد الفيديو، بان بيبر بفلتر كيشوّه الملامح ديال وجهو، وكان الصوت ديالو غريب وحاد. وقال فداك الفيديو أنه كان ساكن فولاية ألاسكا وهو صغير وكان كيصيد الحوت، مع أن المعروف هو أنه تربّى فكندا.
@biebertalk
وفيديوهات خرين، بدا كيضرب فالهضرة الفلسفية على الألم والخوف اللي كيعيشو من الداخل، وقال: “تعذبت، وخفت، ولكن يسوع عندو خطة، وكيسير كلشي للخير”، وداير الكلمة “غوتشي” كرمز للخير.
وزاد هضر على الناس اللي حس أنهم كيبغيو يخربقو ليه الراس أو يأثرو على الصحة النفسية ديالو، وشبّه داك الإحساس بحال شي واحد كيسرق الجبن من عند فار فدوارة، يعني كيشعر براسو مضغوط أو مراقب.
@biebertalk
وهضر حتى على المقارنات اللي كتكون وسط العائلة والمجتمع، وقال: “واش ماعياوش الناس من هاد الهضرة: كون بحال خوك ولا أختك؟”. ومن بعد زاد: “أنا عايش بالوفاء والقناعة، وكنقدّر الناس اللي عاونوني فالمسيرة ديالي”.
وفواحد الفيديو آخر، قال: “كاينين جوج حوايج غادي يبدلو حياتكم: التضحية والخدمة بالمعقول. واش نتوما واجدين تضحيو حتى بعظامكم؟”.