كازا ـ كود//
على موجات RMC راديو، جاد المالح الفرنسي الجنسية ومغربي الروح، اللي تزاد فالمغرب قال أنه غيشجع المغرب ضد فرنسا.
وسبق ليه تنبأ بفوز المغرب ضد البرتغال بنتيجة 1-0، وأنه غيسجل فالشوط الأول للمباراة.
جاد المالح الكوميدي المغربي فحال كاع المغاربة، اللي هازين المغرب فقلبهم فينما مشاو وكيدعمو المنتخب المغربي، صرح أنه مع المغرب وغيشجع المغرب، البلاد اللي تزاد فيها وكيشوف المغرب فالفينال.
