وكالات //

تعرضات صحافية أسترالية للإصابة برصاصة مطاطية وهي كاتغطي احتجاجات غاضبة فمدينة لوس أنجلوس، اللي ناضو بسبب مداهمات داروها البوليس ديال الهجرة، واستعملات فيها الشرطة الميريكانية طلقات ماشي قاتلة باش يفرّقو المتظاهرين.

المراسلة الأسترالية، لورين توماسي، اللي مبعوثة خاصة من شبكة Nine News، تصابت قدّام مركز الاحتجاز الفيدرالي فوسط لوس أنجلوس.

وقبل لحظات من الإصابة، قالت فالتقرير ديالها: “من بعد ساعات ديال التوتر، الأوضاع خرجات على السيطرة بسرعة، البوليس ديال لوس أنجلوس هجمو وهم راكبين على الخيل، وكيتيريو بالرصاص المطاطي باش يرجعو الناس اللور وسط المدينة”.

من بعد بدقايق، بان فيديو فيها توماسي كاتغوّت من الألم وحاطة يدها على رجلها، وشي واحد من الحاضرين كايغوّت: “رميتو على الصحافية!”.