وكالات//

جابون دارو قهوة كتستقبل غير الناس لي مراض بالخرف، وكتحل مرا فالشهر، والݣارسون لي كيخدم فيها حتا هو مريض بالخرف، وكيلبس ديما قميجة ليمونية، حيت هاد اللون مزيان لهاد الناس لي مراض.

في المقابل كاينين المتطوعين لي صغار فالعمر، كيعاونوهم باش ياخدو الطلبيات من عند الكليان، وهاد المسنين ماكيقدروش يعقلو على الأرقام ديال طوابل، دكشي علاش دارو ليهم وردة فالوسط ديال طوابل ولون مختلف فكل طابلة.

ومالين هاد القهوة هوما صحاب هاد الفكرة، ودارو هادشي باش يتعاونو مع الحكومة المحلية ويلقاو ݣاع الناس لي مراض بهاد المرض، وكيوصيو فالناس باش يحاولو يفهموهم ويصبرو معاهم.