الرئيسية > ميديا وثقافة > جائزة نوبل للسلام 2021 تعطات لجوج صحافيين.. الفلبينية ماريا ريسا والروسي دميتري موراتوڤ
08/10/2021 23:00 ميديا وثقافة

جائزة نوبل للسلام 2021 تعطات لجوج صحافيين.. الفلبينية ماريا ريسا والروسي دميتري موراتوڤ

جائزة نوبل للسلام 2021 تعطات لجوج صحافيين.. الفلبينية ماريا ريسا والروسي دميتري موراتوڤ

وكالات //

اليوم الجمعة، 8 أكتوبر، علنات الأكاديمية السويدية بللي الصحفية الفلبينية ماريا ريسا (Maria A. Ressa) ومعاها الصحفي الروسي دميتري موراتوڤ (Dmitry Andreyevich Muratov) ربحو جائزة نوبل للسلام 2021.

وجا هاد الاختيار بمنح الجائزة للصحفيين دميتري موراتوف من روسيا وماريا ريسا من الفلبين، هاد العام بفضل “جهودهم فـ حماية حرية التعبير، اللي هي شرط أساسي للديمقراطية والسلام الدائم”، حسب الأكاديمية السويدية المانحة لجوائز نوبل.

و ماريا ريسا (58 عام) هي صحفية وكاتبة فلبينية/ميريكانية، وهي المؤسسة المشاركة والرئيس التنفيذي لشركة “رابلر”، وخدمات كمراسلة استقصائية رئيسية في جنوب شرق آسيا مع شبكة “سي إن إن” الميريكانية لمدة 20 عام تقريبا. وفـ2020 تحكم عليها بتهمة “التشهير الإلكتروني”، حسب قانون “مكافحة الجرائم الإلكترونية” الفلبيني اللي نايض عليه الصداع، وهو الحكم اللي استنكراتو نقابات الصحفيين وجماعات حقوق الإنسان فالعالم وقالت بأنه اعتداء على حرية الصحافة.

و دميتري موراتوڤ (59 عام) هو صحفي روسي ورئيس تحرير جورنال “نوڤايا كَازيتا/Novaïa Gazeta” (الجريدة الجديدة)، اللي وصفاتها لجنة حماية الصحفيين بأنها “الجريدة الوحيدة اللي عندها استقلالية وقدرة حقيقية على الانتقاد فـ روسيا”. وهاد الجريدة مشهورة بتغطيتها لـ”ملفات سخونة”، بحال قضايا الفساد الحكومي وانتهاكات حقوق الإنسان.

موضوعات أخرى

24/10/2021 15:00

بالصور والفيديو.. “كود” جابت كيفاش متظاهر كيستفز السلطات غير باش يبان ضحية وطيح البوليس فالأرض وفالاخير شي فايسبوكيين تضامنو غير معه ونساو معاناة البوليس

24/10/2021 14:30

الوقت تخربقات عند صحاب القهاوي والريسطوات.. هالكاهم كورونا وجاتهم ضريبة الرسم المهني بمالبغ صحيحة.. ومنهم حتى لي سادين

24/10/2021 12:30

بتكليف من الملك.. رئيس الحكومة مشى للسعودية اليوم باش يحضر “منتدى مبادرة السعودية الخضراء” وقمة “مبادرة الشرق الأوسط الأخضر”

24/10/2021 12:20

المديرة الجهوية للصحة فالداخلة خلات على خط الإعتداء على الفرملية وخرجات العين الحمرا: لا تسامح ولا تساهل مع أي شخص تسول له نفسه ومن أي موقع كان التطاول أو إهانة الأطر الصحية أوالاعتداء على المؤسسات