گود سبور//

بداو كايتعرفو ماتشات ثمن نهائي كأس إفريقيا “المغرب2025″، وغايكون الجمهور اللي متبع البطولة على موعد مع مباريات مشوقة.

المنتخب الوطني المغربي المتأهل لثمن النهائي غادي يلعب ضد تنزانيا اللي تأهلت كثاني المجموعة الثالثة، ومنتخب مالي اللي تأهل كثاني المجموعة الأولى غادي يلعب ضد منتخب تونس اللي تأهل كثاني المجموعة الثالثة.

المنتخب المصري اللي تأهل كمتصدر المجموعة الثانية غادي يلعب ضد منتخب بنين اللي تأهل كثاني المجموعة الرابعة، ومنتخب نيجيريا اللي تأهل كمتصدر للمجموعة الثالثة غادي يلعب ضد المنتخب اللي غادي تأهل كثالث المجموعة السادسة.

ومنتخب الجزائر اللي تأهل كمتصدر للمجموعة الخامسة غادي يلعب ضد منتخب الكونگو الديمقراطية اللي تاهلو كثاني المجموعة الرابعة، أما متصدر المجموعة الرابعة السنغال مازال ما عرفش مع من غادي يلعب هو منتخب نيجيريا متصدرين المجموعة الثالثة، ونفس الشي بالنسبة للكوت ديفوار والكاميرون اللي منافسين على صدارة المجموعة السادسة ومعهم موزمبيق ، وغايتسناو ماتشات اليوم الاربعاء ضمن الجولة الثالثة من دور المجموعات باش يعرفو خصومهم فثمن النهائي.

ها برنامج الماتشات

السبت 3 يناير 2026:

17.00 : السنغال – السودان أو بوركنا فاسو فابن بطوطة طنجة

20.00 : تونس-مالي فمحمد الخامس فكازا

الأحد 4 يناير:

17.00: المغرب – تنزانيا في ملعب مولاي عبد الله بالرباط

20.00 : جنوب أفريقيا – ساحل العاج أو الكاميرون فمحمد الخامس فكازا

الاثنين 5 يناير:

17.00: مصر – بنين فملعب أكادير

20.00 : نيجيريا – موزمبيق بفاس

الثلاثاء 6 يناير:

17.00: الجزائر – الكونغو الديمقراطية في ملعب مولاي الحسن بالرباط

20.00 : ساحل العاج أو الكاميرون – السودان أو بوركينا فاسو فمراكش