گود سبور//

تعرف المنتخب الوطني المغربي لأقل من 17 عام، على الخصم ديالو فـ ثمن نهائي كاس العالم U17، المقامة حاليا فـ قطر.

وغايلعب المنتخب الوطني المغربي لأقل من 17 عام، ثمن نهائي كاس العالم للفتيان ضد منتخب الولايات المتحدة الأمريكية.

وتصدر المنتخب الميريكاني لگروب 9 بالعلامة الكاملة، وقدر يجمع 9 النقاط من 3 الرباحات فـ ثلاثة الماتشات ضد كل من بوركينا فاسو، والتشيك، وطاجيكستان، وتأهل كمتصد.

وبالمقابل فـ المنتخب الوطني المغربي لأقل من 17 عام، باغي يقلب البداية الكارثية ديالو فـ الدور الاول إلى تألق، بعدما بدا بخسارة مع جابون بنتيجة 2 لزيرو، وخسارة الماتش الثاني مع البرتغال بنتيجة 6 لزيرو، قبل ما يكتسح كاليدونيا بنتيجة 16 لزيرو، وضمن التأهل للثمن كأحسن ثالثة.