الرئيسية > آش واقع > ثمن اللحم والخضرة طاح وثمن الديسير متبدلش.. هذو كَاع تفاصيل الأسعار فسوق الجملة فكازا
04/06/2020 06:24 آش واقع

ثمن اللحم والخضرة طاح وثمن الديسير متبدلش.. هذو كَاع تفاصيل الأسعار فسوق الجملة فكازا

ثمن اللحم والخضرة طاح وثمن الديسير متبدلش.. هذو كَاع تفاصيل الأسعار فسوق الجملة فكازا

عفراء علوي محمدي- كود//

بحال العادة كل سيمانة، دار سوق الجملة للفواكه والخضر التابع للمجلس الجماعي لمدينة كازا، ليست ديال الأثمنة الخاصة بالمنتوجات الفلاحية اللي كيتباعو بالكَرو، باش يحدد السقف ديال الأثمنة والثمن الأدنى ديالها حسب جودة كل منتوج، وماتكون حتى شي زيادة فهذ الوقت اللي كتعرف البلاد حالة طوارئ صحية بسبب فيروس كورونا المستجد.

بالنسبة لثمن اللحم بالجملة فالباطوار ديال كازا، فلحم الغنمي نقص ب2 دراهم، ولا يدير دابا فالثمن الأدنى 52 درهم والثمن الأقصى 56 درهم للكيلو، والبكَري استقر الثمن ديالو الأدنى ف55 درهم، والثمن الأقصى 60 درهم للكيلو.

أما الخضرة، فمعظم الأثمنة ديالها نقصات بسنتيمات قليلة، بينما خضر اخرى ثمنها استقر، وهكذا حدد السوق الأثمنة ديال الخضرة الأساسية بالكيلوكَرام ف: ماطيشة 90 سنتيم فالثمن الأدنى و2 دراهم فالثمن الأقصى، وخيزو 70 سنتيم فالثمن الأدنى ودرهم و30 سنتيم فالثمن الأقصى، البصلة 3 دراهم ونص فالثمن الأدنى و5.50 دراهم فالثمن الأقصى، باطاطا 1 درهم ونص فالثمن الأدنى ودرهم و90 سنتيم فالثمن الأقصى، البصلة الخضارية 90 سنتيم فالثمن الأدنى و1 درهم و80 فالثمن الأقصى.

وبخصوص الخضر لخرى، فالمكور أو الكرومب كيدير 60 سنتيم فالثمن الأدنى و1 درهم فالثمن الأقصى، والكَرعة الخضرة كتدير  2 دراهم فالثمن الأدنى و3 دراهم ونص فالثمن الأقصى، والخيار 1 درهم و20 فالثمن الأدنى و1 درهم و80 فالثمن الأقصى، والدنجال درهم و20 سنتيم فالثمن الأدنى و2 فالثمن الأقصى، والكَرعة الحمرا 2 دراهم فالثمن الأدنى و5 دراهم فالثمن الأقصى.

أما بالنسبة للفواكه، عرفات استقرار تام فالأثمنة للسيمانة الثانية على التوالي، باستثناء البانان دالبلاد اللي ارتفع ثمنو ببضعة سنتيمات، لافوكا دايرة فالثمن الأدنى 25 درهم، والثمن الأقصى 35 درهم، البانان دبرا داير 9 دراهم الثمن الأدنى و12 الثمن الأقصى، البنان دالبلاد 4,50 دراهم فالثمن الأدنى و6 دراهم ونص فالثمن الأقصى، الليمون 4 دراهم فالثمن الأدنى و6 دراهم فالثمن الأقصى، والتفاح دالبلاد 2 دراهم الثمن الأدنى و8 دراهم فالثمن الأقصى، والتفاح المستورد 8 دراهم والثمن الأدنى و13 درهم ونص الثمن الأقصى، والدلاح درهم ونص أقل ثمن و3 دراهم الثمن اللي الطالع كَاع.

موضوعات أخرى

04/07/2020 19:30

تبون: ما عندناش مشكل مع المغرب ولكن كاين لي فالمغرب عندو معانا مشاكل.. وما نكَولش واش درنا قاعدة عسكرية.. ومشكل الحدود كان رد فعل على إهانة الجزائر

04/07/2020 19:00

هذا موضوع مهم بزاف بغيت نفتحو فيه نقاش مجتمعي ! علاش ماعندهاش لي سيكس شوب فالمغرب ؟! هاه ؟ شنو المشكل بالضبط ؟! و الا غدا بغيت نستثمر مجال الالعاب الجنسية واش غانتشد فالحبس ؟! بأي حق ؟

04/07/2020 18:30

المراقب العام المنصوري لـ”كود”: مكافحة الجريمة معندهاش حد والكميات الهائلة اللّي تحجزات ديال الحشيش كانت فالحجر الصحي