وكالات//

الجهة المنظمة لجوائز اليانصيب فولاية فلوريدا الميريكانية، قالت أن الفائز بثاني أكبر يانصيب فالتاريخ ديال الولايات المتحدة خدا جائزة وربح فيها زبابل ديال الفلوس، ولكن مزال معرفناش شكون لي ربح.

ميجا مليونز قالت أن الجائزة الكبرى حطمات الرقم القياسي فالتاريخ ديالها، وموقع ميجا مليونز الإلكتروني قال أن الفائز ففلوريدا ميجا مليونز يا يقدر ياخد الفلوس ديالو لي ربح ويقسمها على 30 عام، ويلا بغا ياخدهم إسبيس غيعطيوه 794.2 مليون دولار .

والقانون ديال فلوريدا كيخلي الفائزين بجوائز يانصيب على راحتهم إلا مبغاوش يكشفو على الهويات ديالهم، حتا كدوز 3 شهر على النهار لي ربحو فيه الجائزة.