الرئيسية > كود سبور > تيليفون وكيل أعمال سفيان أمرابط  ما كيسكوتش من العروض والنكالزا مضاربين عليه
07/12/2022 10:36 كود سبور

تيليفون وكيل أعمال سفيان أمرابط  ما كيسكوتش من العروض والنكالزا مضاربين عليه

تيليفون وكيل أعمال سفيان أمرابط  ما كيسكوتش من العروض والنكالزا مضاربين عليه

كود سبور//

بدات العروض كتقاطر على الدولي المغربي سفيان أمرابط نجم وسط المنتخب الوطني المغربي وفيورنتينا الطالياني، من بعد المستوى الكبير والقوي اللي ظهر به مع المنتخب الوطني المغربي فكأس العالم قطر 2022، وساهم فالتأهل ديالو التاريخي إلى ربع نهائي البطولة.

وكشف الطالياني فابريسيو رومانو اللي متخصص فانتقالات اللعابا والمدربين وتعاقدات الفرق فالعالم، بلي سفيان أمرابط عندو عروض كثيرة، وقال بلي وكيل الأعمال ديالو جاوه بزاف ديال المكالمات على قبل أمرابط من أندية فبطولة الننكليز، حيث اللعاب كيتعتبر أفضل واحد فالمركز ديالو فكأس العالم 2022.

ومن أبرز الفرق اللي عندها رغبة فالتعاقد مع سفيان أمرابط، وكتنافس على الخدمات ديالو كاين ليفربول وتوتنهام من الننكليز وأتليتيكو مدريد من إسبانيا، فالوقت اللي فرقتو فيورنتينا الطاليانية ما باغياش تطلقو ولكن غادي يكون صعيب عليها تقاوم العروض ديال الأندية الأوروبية الكبيرة اللي كتسابق باش تسني مع النجم المغربي فالانتقالات الشتوية اللي جايا.

موضوعات أخرى

28/01/2023 22:00

الأهلي المصري وصل للمغرب باش يلعب الموندياليتو.. واللعابا فرحانين حيث المغاربة كبرو بهم فالاستقبال – تصاور

28/01/2023 21:30

“كود” جابت حقيقة وفاة جوج طالبات فوجدة: ماشي طالبات ووحدة مازال فغيبوبة والثانية كتهضر وفحالة صحية عادية

28/01/2023 21:00

“كود” جابت حقائق خطيرة على هرب اللاعب الجزائري بن العمري والمخابرات الجزائرية وراء رحيلو من المغرب

28/01/2023 20:30

من بعد البرلمان الاوروبي. احزاب فبرلمان إقليم الباسك غادي تطلق مبادرة كتطالب فيها المغرب باحترام حرية التعبير والإعلام