وكالات//

تطبيق “تيك توك” غادي وكيخلع في ميريكان والدول الغربية، خصوصا مني خدا الخطوة الأخيرة ديالو وعلم رسميا المستخدمين في بريطانيا وأوروبا بأن الوصول إلى بياناتهم غادي يكون متاح لبعض الموظفين ديالو لي كاينين في الشينوا.

وابتداءا من أول الشهر لي جاي “تيك توك” عندو الحق كيف قال أنه يشوف البيانات ديال المستخدمين في كل من البرازيل وكندا وإسرائيل والولايات المتحدة وسنغافورة.

وبرر التطبيق القرار ديالو بأنه كيسعى يضمن تجربة آمنة لمستخدميه، وسياسات الخصوصية في التطبيق من الضروريات ديالها التزويد بالخدمة.

الدول الغربية مخلوعة خصوصا ميريكان لي داخلة على الانتخابات النصفية الشهر الجاي، وخايفة من الشينوا، العدوة اللدودة ديالها أنها تأثر على الناس بالخواريزميات ديال “تيك توك”.