كود -وكالات //

شركة تيسلا طلقات رسميا فمدينة أوستن بولاية تكساس طموبيل  جديدة ديال Cybercab، لي هي طاكسي ديال الضو  ذاتية القيادة، مصممة باش تسوق  راسها براسها بلا شيفور .

الطوموبيل جاية بتصميم مختلف على الطموبيلات  العادية، حيث ما فيها لا ڤولان، لا فرانات ديال ولا كسيراترور، وحتى المرايات ما فيهاش.

https://x.com/SawyerMerritt/status/2095680820748878168/video/1?s=46

ها النوع  Cybercab فيه غير جوج بلايص، وكتتميز بجوج بيبان كيتحلو للفوق بحال الجنحين ، مع كادر ملون بالذهبي، وكوفر اللور.

ومن الداخل، تيسلا حاولت تعطي للركاب إحساس بحال إلا كاين فصالون صغير كيتحرك فوق الروايض مع تلفازة .

الخدمة غتبدا للعموم ابتداءً من الجمعة، ولكن بشكل محدود،  ودابا كاينين تقريباً 45 طموبيل Cybercab مع  314 طاكسي من نوع آخر فتكساس.

تيسلا سبق ليها علنت أنها باغية مستقبلاً تبيع Cybercab حتى للناس ، بثمن أقل من 30 ألف دولار، إلا قدر المشروع يوصل للمرحلة التجارية الكبيرة .