كود سبور//

أكد الدولي المغربي أسامة تيرغالين، أن المنتخب الوطني المغربي واجد باش يلعب ضد تنزانيا، وأنهم عالجو الأخطاء اللي كانت فالماتش اللي فات ضد النيجر، وباغيين يربحو وطلب من الجمهور المغربي يعاونهم.

وهضر أسامة تيرغالين فتصريح للموقع الرسمي للجامعة الملكية المغربية لكرة القدم، وقال: “وجدنا الماتش ضد تنزانيا بحال گاع الماتشات وفأجواء مزيانة وصححنا داكشي اللي ماكانش مزيان فالماتش اللي فات ضد النيجر، باش نكونو واجدين ونعطيو ما كثر ضد تنزانيا”.

وكمل تيرغالين، وقال: “گاع الماتشات كايكونو صعاب، وما بقى حتى شي ماتش ساهل دابا، وحنا واجدين باش نربحو ونكملو الرباحات، وكانطلب من الجمهور يساندنا كيفما دارو الماتش اللي فات”.