كود سبور//

أكد أسامة تيرغالين لاعب المنتخب الوطني المغربي الأولمبي، أنه هو وصحابو فليكيب ناسيونال غايديرو كثر من جهدهم باش يربحو العراق غدا الثلاثاء فنيس، برسم الجولة الثالثة من دور مجموعات أولمبياد باريس2024، ويتأهلو للدور الثاني.

وقال أسامة تيرغالين فتصريح له على هامش الحصة التدريبية الأخيرة للمنتخب المغربي قبل ماتش العراق: “الماتش غايكون صعيب على المنتخبين بجوج، حيث بجوجنا خاصنا الرباح باش نتأهلو، وحنا حاولنا تصحيح أخطاء الماتش الماضي باش نكونو واجدين دهنيا واخا الوقت ما كاينش”.

وكمل تيرغالين: “عندنا حصة تدريبية اليوم غانخدمو فيها على نقاط الضعف بعدما شفنا تقنية الفيديو البارح وخاصنا نركزو على الماتش ديال غدا باش نديرو نتيجة مزيانة”.

وزاد أكد تيرغالين: “جميع الماتشات كايكونو صعاب وحنا شفنا الحوايج اللي ما درناش مزيان وخاصنا نصححو الأخطاء ديالنا ووجدنا وغانديرو كثر من جهدنا باش نتأهلو”.