كود كازا ///

الانفلونسير سكينة جناح اللي ملقبة راسها “گلامور” مازال مشدودة. حطوها فسجن لوداية بمراكش. حسب مصادر “كود” غادية تحاكم واول جلسة ديال محاكمتها غادية تكون السيمانا الجاية.

دابا سكينة غادية تابع فحالة اعتقال والتهمة “اعتقال من أجل الاخلال العلني بالحياء العام” واولى الجلسات غادية تكون بدية السيمانا اللي جاية.

وكان القانون الجنائي المغربي في الفصل 483 هدر على على جريمة الإخلال العلني بالحياء. مولاها كيحكم بالحبس من شهر واحد إلى سنتين وغرامة مالية من 200 إلى 500 درهم. يشمل ذلك “العري المتعمد أو البذاءة في الأفعال والإشارات إذا تمت رؤيتها من طرف العموم أو قاصر”.

هادي 3 ايام وبالضبط نهار 12 غشت كانت سكينة گلامور تشدات فمطار محمد الخامس فكارا. كانت باغية تسافر. بيان للامن الوطني قال باللي امن المطار بتنسيق مع امن مراكش وقفها. السبب: الاشتباه ف”تورطها في إعداد ونشر محتويات رقمية مخلة بالحياء العام”.

الفيلم بدا باش نشرات فيديو ديال شي تخربيقة وكانت لابسة كسوة مهضهضة. دايرة شي بريكول وصافي. فهاد البريكول هزات الكسوة حتى بان التيتون ديالها. كان الفيلم يسالي هنا لو اعتدرات او سحبات الفيديو او دارت اي تصرف. السيدة خرجات كتناقض فتصريحاتها وقالت باللي ما غادياش تحيد الفيديو. التيتون ديالها جاب ليها الربحة