الرئيسية > ميديا وثقافة > تويتر تعرض لاكبر قرصنة لحسابات شخصيات معروفة وشركات عملاقة
16/07/2020 08:00 ميديا وثقافة

تويتر تعرض لاكبر قرصنة لحسابات شخصيات معروفة وشركات عملاقة

تويتر تعرض لاكبر قرصنة لحسابات شخصيات معروفة وشركات عملاقة

عن ا ف ب ///

قرصنة كبيرة تعرضات ليها حسابات شخصيات معروفة وشركات عملاقة ما وقفاتهاش كاع اجراءات الحماية اللي دايراها تويتر. شي وحدين من صحاب الحساب فهاد الشبكة دالتواصل الاجتماعي لقاو ريوسهم دايرين تويت فيها باللي حساباتهم غادية ضاعف اللي رسلوه ليها من عملة بيتكوين. وعطاهم شرط هو يديرو هاد الشي بالزربة ف30 دقيقة فقط.

هاد الشي وقع لاوباما رئيس ميركان السابق وجو بايدن وعمدة نيويورك السابق مايكل بلومبرگ والمليارديرات بحال بيل گيت وايلون ماسك وجيف بيزوس٬ حتى شركات بحال اوبر وابل تم خرق حساباتها.

التويت المزور اللي تنشر وبان بحال ايلى ايلون ماسك مالك “تيسلا” هو مولاه جا فيه “”أربعاء سعيد! غادي نقدم بيتكوين لكاع متابعي . غادي نضاعف المبالغ اللي ترسلوها فعنوان البيتكوين اللي موجود التحت”

نفس الاعلان نشر فصفحات اللي ذكرناهم فالسابق.

من اللولين اللي حذر من هاد القرصنة كان هو كاميرون وينكليفوس، الشريك المؤسس في شركة “جيميني” للتبادلات بالعملات الرقمية. كتب تويت فيه “هادي عملية احتيال، ما تشاركوش فيها “.

دابا مازال الخدمة كدار باش يعرفو شحال من واحد تم الاحتيال عليه.

صحاب تويتر حتى هما تلفو وصورة الماركة ديالهم تمسات. سهم الشركة طاح ب4 بالمائة بعد ما خرج خبر القرصنة.

موضوعات أخرى