الرئيسية > كود سبور > تونيات جداد وفلوس زايدة للمنتخب من شركة “بوما”
10/10/2019 10:00 كود سبور

تونيات جداد وفلوس زايدة للمنتخب من شركة “بوما”

تونيات جداد وفلوس زايدة للمنتخب من شركة “بوما”

مصطفى الشاذلي – كود سبور//

الشركة الألمانية للألبسة الرياضية “بوما”، قدمات تونيات جداد للمنتخب المغربي في حفل رسمي بالدار البيضاء البارح الاربعاء.

“بوما” ولات هي المزود الرسمي للجامعة الملكية المغربية لكرة القدم، بعد انتهاء الكونترا لي كانت كتجمعها بشركة أديداس في 30 يونيو الماضي.

حفل التقديم، لي حضروه مسؤولي الشركة الألمانية وممثلي الجامعة والعديد من الرياضيين تقام بالمتجر الجديد ديال شركة “بوما” في مركب “موروكو مول”.

التونيات جداد ديال المنتخب المغربي غادي يتباعو في هاد المتجر ب445 درهم.

الجامعة نجحت في توقيع العقد مع شركة “بوما” بشروط مالية احسن مما كانت كتحصل عليها من أديداس، لي كانت تعطي الجامعة 800 مليون سنتيم سنويا.

أما “بوما” فارفعات العرض إلى مليار و400 مليون تقريبا، وهادشي لي خلا الجامعة تعاقد مع هاد الشركة، بالإضافة إلى جودة الاقمصة.


دابا اللعابة ديال المنتخب المغربي غادي يلعبو الماتشات بجوج كونتر ليبيا غدا الجمعة بالملعب الشرفي بوجدة والگابون بطنجة نهار الثلاثاء  بتونيات جداد ديال “بوما”.

موضوعات أخرى