كود ـ كازا//

البوليس ديال عين السبع قرقربو في الصباح ديال الاحد على واحد البوليسي مُزيف كيبرزط الشباب ولي كوبل لي كيجيو يريحو في الجردة ديال عمالة عين السبع فكازا.

وحسب المعطيات اللي توصلت بها “كود”، فالمعني بالأمر كان كيقدم راسو للضحايا على أساس أنه رجل أمن، مستغلاً هاد الصفة الوهمية باش يكسب الثقة ديالهم، قبل ما يعمد لتنفيذ عمليات نصب بطرق مختلفة.

وأضافت مصادر كود أن الأمن دار عملية الجس الوقائي، ولقاو عندو كارط مزورة ديال البوليس باش يقنعهم أنه بوليسي.

وقد تم اقتياد المعني بالأمر لمصلحة المداومة من أجل تعميق البحث معه، تحت إشراف النيابة العامة المختصة، وذلك للكشف عن جميع ظروف وملابسات هاد القضية، وتحديد كذلك باقي الضحايا المحتملين اللي يمكن يكونو تعرضو لنفس الأسلوب ديال النصب.