كود بني ملال ///

علمت “كود” أن قيادة الوقاية المدنية وقفات قائد مركز البومبية بقصبة تادلة على خلفية اش وقع لعنصر ديالهم اللي طلع عند بوعبيد وهجم عليه وكان غادي يقتلو

دابا بغاو يضحيو بشي حد وصافي. لان قرار إرسال هاداك ديال البومبية باش ينزل بوعبيد من فوق شاطو الما بأولاد يوسف بقصبة تادلة ما خداهش رئيس المركز.

وفق مصادر “كود” فبعد ما قال بوعبيد من الفوق باللي كيبوس اليدين الكريمتين لسيدنا ويتمنى ليه الشفاء وباللي عيى وباغي يوقف هاد الشي، طلب شي حد من البومبية يطلع عندو. رئيس المركز اتصل بالقيادة العليا ديالو فالرباط واتصل بعامل المنطقة. دارو تقييم ووافقو يطلع ديال الوقاية المدنية لعند بوعبيد.

طبعا باش طلع ضرب بوعبيد بعصا هاداك العنصر ولاحو من فوق الشاطو وكان غادي يقتلو.

إذن توقيف رئيس المركز ما عندو معنى. خاص يتوقف معاه العامل والقائد ديال الوقاية المدنية