الرئيسية > آش واقع > توقع. ها علاش الملك ما يمكنش يعين الا اخنوش رئيس حكومة وفاقرب وقت ممكن وها التحالف المنطقي: الاحرار والاستقلال والاتحاد
09/09/2021 08:30 آش واقع

توقع. ها علاش الملك ما يمكنش يعين الا اخنوش رئيس حكومة وفاقرب وقت ممكن وها التحالف المنطقي: الاحرار والاستقلال والاتحاد

توقع. ها علاش الملك ما يمكنش يعين الا اخنوش رئيس حكومة وفاقرب وقت ممكن وها التحالف المنطقي: الاحرار والاستقلال والاتحاد

احمد الطيب كود الرباط ////

الفوز الكبير لحزب التجمع الوطني للاحرار البارح فالانتخابات التشريعية والبلدية غادي يخلي رئيسو عزيز اخنوش هو المرشح القوي جدا لمنصب رئيس الحكومة.

نتائج البارح للي عطات للحزب 97 مقعدا فالبرلمان وهاد القاسم الانتخابي خلاتو سابق الثاني ب15 مقعد اللي هو الاصالة والمعاصرة اللي جاب 82 مقعد.

فالفصل 47 من الدستور فيه ان الملك يعين “رئيس الحكومة من الحزب السياسي الذي تصدّر انتخابات أعضاء مجلس النواب، وعلى أساس نتائجها. ويعين أعضاء الحكومة باقتراح من رئيسها”.

ايلى شفنا حرص رئيس الدولة من نهار بدا تطبيق هاد الدستور ف2012 مع حكومة بنكيران اللي كان امين عام لحزب البي جي دي ثم تكليف نفس الشخص باش يشكل الحكومة ف2016 وبعد ما نجحش الامين العام للحزب الفائز كلف الرجل الثاني للحزب اللي هو بنعرفة٬ بالاضافة الى هذه النقطة٬ حرص رئيس الدولة على تنظيم الانتخابات فاجالها٬ فهذا يؤشر على ان محمد السادس في اتجاه تعيين عزيز اخنوش مكلفا بتشكيل الحكومة وفاقرب وقت ممكن.

علاش بالزربة؟ حقاش الملك شاف الشعب على من صوت. شاف شكون عاقب. من المرتقب غادي يسمع صوت هاد الشعب بالزربة ويستقبل اخنوش ويعينو.

بالنسبة للتحالف المقبل فاخنوش ايلى تكلف برئاسة الحكومة عندو اختيارات كثيرة. ممكن يدير تحالف ب3 احزاب: الاحرار والاستقلال والاتحاد الاشتراكي. هادو عندهم كثر من 215 مقعد وهي اغلبية مطلقة كافية. ممكن يزيد الحركة الشعبية غير باش يقوي هاد الاغلبية وصافي

طبعا تسوماني البارح اللي ضرب البي جي دي خربق كلشي وغادي يكون عندو تبعات حتى على احزاب المعارضة للي خاصها حزب كبير. اليوم ما كاينش من غير حزب الاصالة والمعاصرة اللي يقدر يلعب هاد الدور.

موضوعات أخرى

28/09/2021 15:30

البروفيسور الابراهيمي فحوار مع “كود”: المؤشرات العلمية كتفرض تخفيف القيود.. ومليون و300 ألف مغربي فايتين 40 عام مزال ماتلقحوش كيشكلو خطر على المنظومة الصحية

28/09/2021 14:30

وزير الدفاع الاسباني السابق: المغرب جار مهم وإسبانيا عندها دور كبير ف ملف الصحرا وخاصها تعاون فالحل وتدرس مبادرة الحكم الذاتي

28/09/2021 14:00

أزمة دبلوماسية بين المغرب وفرنسا بسبب الهجرة.. وزير الخارجية بوريطة: ميمكنش نقبلو تفرض علينا فرنسا شروطها وتبريراتها ماشي معقولة