كود كازا ///

دابا الوزراء فالقصر الملكي كيتسناو التعيين الرسمي بعد استقبالهم من طرف رئيس الدولة. ما عارفينش شكون غاديين يتعينو. توقعات جمعاتها “كود” من اللي تنشر برا ومن معطيات حزبية كترجح يكونو هادو هما الوزرا:

احمد البواري او برادة فالمكتب السياسي للحمامة غادي ياخد لفلاحة والصيد البحري غادي ياخد بلاصة الصديقي
امين طهراوي غادي ياخد وزارة الصحة
بايطاس فضيحة لحكومة غادي ياخذ التعليم اللي كانت عند بنموسى
السعدي رئيس لجنة المالية التجمعي غادي ياخد العلاقات مع البرلمان
وكاين شي حد اسمو زيدان شي حد جابو الاحرار من المانيا باش ياخد بلاصة محسن الجزولي اللي كان وزيرا منتدبا لدى رئيس الحكومة مكلفا بالاستثمار والانتقائية وتقييم السياسات العمومية
زكية الديوش كاتبة دولة فالصيد البحري

الاستقلاليون داخلين بعبد الجبار الراشدي وفضيحة اخرى ديال قيوح غادي ياخد النقل وعمر حجيرة. هادو غاديين ياخدو التضامن والاسرة والنقل بالاضافة الى كتابة دولة
فالبام غاديين يدخلو للحكومة هما الميداوي رئيس جامعة لقنيطرة فبلاصة ميراوي. غادي ياخد وزارة التعليم العالي
وكاينة امل الفلاح السغروشني مرات عمر السغروشني. ما عمرها كانت فالبام. طلعوها للتراكتور باش تاخد بلاصة غيثة مزور اللي كانت وزيرة منتدبة لدى رئيس الحكومة المكلفة بالانتقال الرقمي وإصلاح الإدارة
البام عندهم بحال الاحرار والاستقلال كاتب دولة. 

دابا بعد فترة نعرفو الاسماء اللي غادية تستوزر بعد اعلان بلاغ الديوان الملكي