كود هناء ابو علي ///
توقع ديبلوماسيون هدرات معاهم “كود” باش تكون فرانسا هي الدولة الرابعة اللي غادية تعتارف بمغربية الصحرا وبطريقة اوضح بعد كل من امريكا والمانيا واسبانيا.
اللي هدرو مع “كود” ذكرو باللي فرانسا اول دولة دافعات على الحكم الذاتي اللي قدمو المغرب ف2007 لحل قضية الصحرا وباللي اعتابرو اساس للحل وعندو مصداقية وجدي٬ ولكن اللي ممكن يجي من بعد هو “اعتراف واضح وصريح بمغربية الصحرا” اكثر من الموقف الامريكي فالوضوح.
مصادر “كود” قالت باللي هاد الشي ممكن يوقع بعد فوز الرئيس الفرنسي الحالي ايمانويل ماكرون بالانتخابات الرئاسية اللي غادية تكون هاد العام.
كما توقع ديبلوماسيون هدرات معاهم “كود” باللي ايلى فرانسا دارتها غادي يتبعها الاتحاد الاوربي وحتى بريطانيا.
طبعا هاد الشي خاصو الخدمة كيف كدار دابا وما خاصش نوقفو.
