الرئيسية > آش واقع > توقع. المجلس الوزاري غدا. المصادقة على قانون المالية وتعيين سفراء منهم مدريد وباريس وولاة جداد ودماء جديدة فمناصب استراتيجية باش تعاون تخرج لبلاد من الازمة
14/10/2021 09:30 آش واقع

توقع. المجلس الوزاري غدا. المصادقة على قانون المالية وتعيين سفراء منهم مدريد وباريس وولاة جداد ودماء جديدة فمناصب استراتيجية باش تعاون تخرج لبلاد من الازمة

توقع. المجلس الوزاري غدا. المصادقة على قانون المالية وتعيين سفراء منهم مدريد وباريس وولاة جداد ودماء جديدة فمناصب استراتيجية باش تعاون تخرج لبلاد من الازمة

هناء ابو علي – كود كازا ///

غدا يترأس الملك محمد السادس اول مجلس وزاري لحكومة عزيز اخنوش. فهاد المجلس كاين اولا قانون المالية اللي خاصو يتعرض عليه ثم يتصادق عليه قبل ما يدوز للبرلمان بمجلسيه.

من المتوقع كذلك تعيين بعض كتاب الدولة. كاينة هدرة على عدد منهم. ممكن يكونو فالخارجية والداخلية والفلاحة والشباب وممكن يتزاد عليهم شي كتاب دولة اخرى. دابا غادي يتم تعيين كتاب دولة مساعدين للوزير. ما يحضروش حتى للمجلس الحكومي الا ايلى تعرض قوانين كتهم اختصاصهم.

لكن هاد المجلس غادي يكون مناسبة لتعيين سفراء جداد: باريس خاوية بعد ما ولى شكيب بنموسى وزير التربية فهاد الحكومة ثم خاصها سفير او سفيرة جديدة ايلى بغى المغرب يدير صفحة جديدة. كان خاص بوريطة وزير الخارجية يتغير باش تفتح صفحة جديدة مع الجارة الايبيرية ولكن القصر كان عندو كلمة اخرى.

كاين سفارات فالمغرب خاوية خاصها سفراء جداد ومشكلة ان اللي غادي يختارهم شخص بحال بوريطة. مدريد وباريس كتكون بعيدة من بوريطة. القصر اللي كيتكلف ولكن باقي السفارات تقريبا يتحكم هاد الوزير فالتعيينات واللي ديما همو لكبير يدير اللي كيدينو ليه بالولاء.

فهاد المجلس الوزاري يتوقع تعيين عمال بلاصتهم خاوية وممكن تشمل حتى بعض الولاة. كاين اللي مرشح يكون كاتب دولة بحال والي لعيون.

فهاد المجلس الحكومي يتوقع يكون تعيين مدراء مؤسسات عمومية استراتيجية بحال بنك المغرب وغيرها.

يتوقع يكون اول مجلس وزاري بدية لعهد جديد برجال جداد بعقلية جديدة تخرج لبلاد من ازمة طاحت فيها فكورونا.

موضوعات أخرى

22/10/2021 18:20

فـ مجلس جماعة فاس.. شباط لعمدة فاس البقالي: خاصكم تجاوبو مع انتظارات الساكنة وحلو المشاكل اللي فـ الرخص وقطاع التعمير – فيديو

22/10/2021 18:00

كيفاش المتطرف الكتاني لي كان محكوم عليه بعشرين عام مورا أحداث سطاش ماي الارهابية! خرج عاوتاني باش ينشر افكارو المتطرفة و تجرأ يقول على اللقاح أنه “خطير” ! واش نتا آ الكتاني جينيتيسيان ؟ ميكروبيولوجيست ؟! عندك شي لابوراطوار فالڤيلا ديالك ؟

22/10/2021 17:20

إجبارية الباس فاكسينال.. نقابة “السي دي تي”: هاد القرار الحكومي فيه انتهاك للحقوق والحريات وتسبب فـ ارتباك فـ المرافق العمومية

22/10/2021 17:00

الجرعة الثالثة ولات إجبارية. موظفين عندهم جواز تلقيح تمنعو من دخول مقرات وزارة الصحة.. ونقابيون لـ”كود”:هذا قرار تعسفي – فيديو