كود سبور-وجدة//

تقرر توفير 2 ديال القطارات من مدينة وجدة إلى مدينة الدار البيضاء، باش ينقلو جماهير الفريق الاخضر، اللي فرحانين وناشطين بتتويج الخضرا بلقب البطولة الاحترافية.

وتم توفير 2 قطارات من لاگار ديال وجدة إلى گازا فواياجور، الأول انطلق مع شي 9 ونص ديال الليل البارح، والتاني من وراه مع تقريبا 10 الليل، باش جماهير الرجا اللي مات تفرجت فالفريق ديالها فوجدة تلقى فاش ترجع بحالها، وما تبقاش حاصلة فمدينة وجدة.

وللإشارة راه تنقلت جماهير الرجاء الرياضي بشكل كبير إلى مدينة وجدة خلال 48 ساعة الماضية، باش تساند الفريق الاخضر فالماتش الاخير ديال البطولة، واللي ربحو فيه مولودية وجدة بنتيجة 3 لزيرو اليوم الجمعة، بنتيجة 3 لزيرو، وهذا الشي منح اللقب للفريق الاخضر.