كود – وكالات//

توفى الممثل الأمريكي آر جي ميت (RJ Mitte)، المعروف بدور والتر وايت جونيور فالمسلسل الشهير  «Breaking Bad»، على 34 عام.

ولحد الساعة، مازال السبب الحقيقي ديال الوفاة ما علناتش عليه السلطات بشكل رسمي، فيما نقل موقع «TMZ» معطيات كتشير إلى احتمال الانتحار، وهي فرضية ما تأكداتش رسمياً.

وكان ميت كيعاني من الشلل الدماغي، وهي الحالة اللي تشخّص بها فسن الثالثة، بعدما تعرض لضرر دماغي وسط الولادة. وخا هاد الوضع، قدر يبني مسيرة فنية مهمة، وولا من الأصوات المدافعة على حقوق الأشخاص فوضعيّة إعاقة، من خلال مشاركتو فمبادرات خيرية وتعاونو مع منظمات متخصصة.

ومن بعد النجاح اللي حققو فـ«Breaking Bad»، شارك فعدد من الأعمال التلفزيونية والسينمائية، من بينها «Switched at Birth» و«Guardians of Justice على نتفليكس.

وقبل أيام قليلة من وفاتو، كان كيسوّق لفيلمو الجديد «Talking to Strangers» من خلال مشاركتو فعدد من حلقات البودكاست. وخلا من وراه خطيبتو كينيدي سواريز، اللي كانت العلاقة ديالها معاه بدات عام 2018.