كود سبور//

شكر الالماني توماسي توخيل مدرب بايرن ميونخ الألماني لاعب الفريق الدولي المغربي نصير مزراوي، واكد انه باغيه يلعب الماتش الجاي ضد ريال مدريد الاسباني فروتور دومي فينال دوري ابطال أوروبا، مع العلم انه دار ماتش واعر فلالي اللي سالا بالتعادل جوج لجوج.

وهضر توماس توخيل فندوة صحافية اليوم الجمعة قبل ماتش بايرن ميونخ وشتوتگارت فبطولة لالمان وقال على نصير مزراوي: “السونطراج من الجهة اليسرى قليل، واللعب للور قليل، ولكن هذا الشي مناسب له (مزراوي)”.

وكمل توخيل وقال على النجم المغربي: “هو ذكي بزاف تائق فراسو ملي كيلعب الكورة وما عندوش مشكل يبدل الستايل ديال اللعب، وهذا الشي كيخلينا نكونو هجوميا كثر مع الجناح ديالنا الأيسر، وهذا الشي كيخليه يقدر يتدخل مرة مرة هجوميا”.

وزاد كمل توخيل: “خاصنا نشونجيوه غدا ضد شتوتگارت إذا بغيناه يكون واجد ضد ريال مدريد الاربعاء الجاي، وهو كيدير خدمة مزيانة وتايق بزاف فالإمكانيات ديالو”.