كود سبور//
حماو توتنهام النگليري حقوقهم بخصوص اللاعب المغربي الشاب يوسف أخمريش، وسناو معه عقد طويل باش يضمنو البقاء ديالو معهم أكبر مدة.
وسناو توتنهام النگليزي، اليوم الخميس مع المهاجم المغربي الشاب يوسف أخمريش مول الـ19 عام، عقد المدة ديالو 3 سنوات ما غايسالي حتى لعام 2028.
واختار يوسف أخمريش يلعب مع المنتخب المغربي لأقل من 20 عام، وتألق مع شبان ديال توتنهام النگليزي وربحهم معهم الدوري النگليزي الممتاز تحت 17 عام وتحت 18 عام في 2022/23، وربح أيضا الدوري النگليزي الممتاز لأقل من 21 عام الموسم الماضي.