الرئيسية > كود سبور > تواجد قوي للمغرب فاللوائح النهائية لجوائز الكاف للكورة النسوية 2023 (لوائح)
07/12/2023 13:10 كود سبور

تواجد قوي للمغرب فاللوائح النهائية لجوائز الكاف للكورة النسوية 2023 (لوائح)

تواجد قوي للمغرب فاللوائح النهائية لجوائز الكاف للكورة النسوية 2023 (لوائح)

كود سبور//

كتعرف المنافسة على جوائز الكرة النسوية لعام 2023 ديال الاتحاد الأفريقي لكرة القدم اللي غيعطيها يوم الاثنين 7 دجينبر الحالي، حضور قوي للكورة النسوية المغربية.

وحاضر المنتخب المغربي فلاليست فينال ديال أحسن منتخب نسوي إفريقي لعام 2023، إلى جانب منتخب نيجيريا، وجنوب إفريقيا.

والفريقين المغربيين الجيش الملكي وسبورتينك الدار البيضاء حتى هما مثلين المغرب وبقوة فالتنافس على جوائز الكاف، وكاينين فلاليست فينال ديال احسن فريق نسوي إلى جانب ماميلودي صن داونز الجنوب إفريقي.

الناخب الوطني السابق رينالد بيدروز، حاضر فلاليست فينال ديال احسن مدرب (ة) إفريقي، بعدما قاد اللبؤات لثمن نهائي كاس العالم للسيدات 2023، وكيتنافس مع كل من اليس ديسيري مدربة جنوب إفريقيا، والجنوب إفريقي جيري شبالالا مدرب ماميلودي صن داونز الجنوب إفريقي.

وبالنسبة لجائزة أحسن حارسة مرمى فلافريك، فالمغرب حاضر فاللائحة النهائية ديالها، من خلال كولة المنتخب الوطني المغربي والجيش الملكي خديجة الرميشي، اللي كتنافس مع كل من النيجرية شياماكا نادوزيي، والجنوب إفريقيا انديل دلاميني.

وكينافس المغرب أيضا، على جائزة أحسن لاعبة إفريقية شابة، من خلال نجمة المنتخب الوطني المغربي ونادي ليل الفرنسي نسرين الشادي اللي توعت قبل أسبوع، حيث تقطعو لها ليكامون، وكاينة فلاليست فينال مع الغانية كومفورت يبواه، والنيجيرية ديبوراه ابيوضون.

بخصوص جائزة أحسن لاعبة أفريقية ممارسة فالقارة الأفريقية، حضارة فلاليست فينال اللاعبة المغربية فاطمة تاكناوت نجمة الجيش الملكي، وكتنافس مع كل من لاعبتي ماميلودي صن داونز الجنوب إفريقي البوتسواني ريفيلاو ثولاكيلي، والجنوب إفريقيا ليبوهانك راماليبي.

موضوعات أخرى

04/03/2024 20:04

إحالة رئيس جماعة “سيدي داود” وجوج من نوابه على قاضي التحقيق بسبب اختلاس وتبديد فلوس عمومية والارتشاء: ها شنو تقرر فحقهم

04/03/2024 20:00

مجلس حقوق الإنسان فجنيف.. نظام العسكر كرّس للعالم حقدو على المغرب وكلمة سفيرو أغلبها على الصحرا ومغالطات على حقوق الإنسان

04/03/2024 19:00

المغرب راه جنة ضريبية بالنسبة للمقاولين والشركات وصحاب المهن الحرة وجحيم ضريبي بالنسبة للموظفين ولي كتقطع ليهم الضريبة من المصدر.. أغلب فلوس المغاربة كاينة خارج البنوك وكيتداولوها المواطنين بيناتهم خارج الاقتصاد نوعا ما

04/03/2024 18:10

275  ألف درهم ساهمو بها الرجاويين فشراء التذاكر الافتراضية وتعطات كلها اللاعبين باش يتحفزو

04/03/2024 18:00

البرلماني السابق الفايق داز اليوم عند قاضي التحقيق مع خوه بتهم الاحتجاز والضرب والجرح والتهديد